МАХН-ын бага чуулган өнөөдөр болж, Ерөнхийлөгчид нэр дэвшигчээ тодруулсан. Тус намаас дарга Н.Энхбаяраа нэр дэвшүүлэх шийдвэрийг гаргасан. Харин хуулийн байгууллагаас Н.Энхбаярыг сонгуульд нэр дэвших боломжгүй гэсэн мэдээллийг өгөөд буй.
Үүнийг эсэргүүцсэн МАХН-ын гишүүд, дэмжигчид бага чуулганыхаа дараа Эрх чөлөөний талбайд цуглаан хийлээ. МАХН-ын Ерөнхий нарийн бичгийн дарга Э.Эрдэнэжамъян, УИХ-ын гишүүн асан З.Баянсэлэнгэ, Ц.Оюунбаатар, С.Ганбаатар тэргүүтэй МАХН-ынхан Н.Энхбаярыг Ерөнхийлөгчид нэр дэвшүүлэх ёстой гэсэн албан шаардлагыг Сонгуулийн ерөнхий хороонд хүргүүллээ. Мөн энэ шаардлагаа Ерөнхийлөгч, УИХ, Засгийн газарт хүргүүлсэн байна.