Нийслэлийн удирдах ажилтны шуурхай зөвлөгөөний үеэр НОБГ-ын дарга Н.Уламбаяр хуурайшилтын эрсдэл “Аюултай ” зэрэгт байгааг мэдээлэв. Цаг уурын байгууллагаас гаргасан урьдчилан сэргийлэх мэдээгээр ойрын өдрүүдэд нийслэл хот орчмоор агаарын хэм тогтвортой байх аж.

Тиймээс хуурайшилттай байгаа энэ цаг үед үүлэнд нөлөөлж бороо оруулах үүргийг Нийслэлийн Засаг дарга бөгөөд Улаанбаатар хотын захирагч С.Батболд өглөө. Энэ ажлыг нийслэлийн Онцгой байдлын газар, Цаг уур орчны шинжилгээний газартай хамтран зохион байгуулахыг тэрбээр даалгав.