Сэлэнгэ аймагт өчигдөр /2017.05.16/ зам тээврийн осол гарч, гурван хүн амь эрсэджээ.
Тодруулбал тус аймгийн Сант сумын 1-р багийн нутаг, Дархан-Уул аймгаас Орхон аймгийн чиглэлийн замд Hyundai Sоnata-6 автомашины жолооч А нь Toyota Prius-20 маркийн Ж жолоочтой автомашинтай мөргөлджээ. Ослын улмаас зорчигч 53 настай эрэгтэй С, 37 настай эмэгтэй О, 34 настай эмэгтэй А нарын 3 хүний амь нас хохирсон байна.
Сүүлийн жилүүдэд аймгийн төвүүдэд хатуу хучилттай авто зам ашиглалтад орсон нь олон талын ач холбогдолтой боловч жолоочид хурд хэтрүүлэх тохиолдол нэмэгдэж хүний амь нас хохирох явдал буурахгүй байгааг албаныхан мэдээлсэн. Тухайлбал сүүлийн 5 жилийн хугацаанд /2012-2016 оны/ хурд хэтрүүлсэн зам тээврийн ослын улмаас 442 хүний амь нас хохирсны 338 буюу 76,5 хувь нь орон нутагт үйлдэгдсэн байна.
Албаны мэдээллээр Улаанбаатар Дарханы чиглэлд илүү их осол аваар гардаг аж.
Орон нутгийн замд техникийн бүрэн бүтэн байдлыг хангаж, хурдыг Замын хөдөлгөөний дүрэмд зааснаас хэтрүүлэхгүй хөдөлгөөнд оролцох, үзэгдэлт хангалтгүй үед гүйцэд түрүүлэх үйлдлийг хийхгүй байхыг нийт жолооч нарт анхааруулж байна.
Г.Тэгшсүрэн
Уншиж байна |