Монгол Улс тав дахь Ерөнхийлөгчөө ирэх зургадугаар сарын 29-нд сонгоно. Ээлжит ерөнхийлөгчийн сонгуульд нэр дэвшигчид тодорхой болж, СЕХ-оос албан ёсоор нэр дэвшигчдийг батламжиллаа.
МАН-аас М.Энхболд, АН-аас Х.Баттулга нар нэр дэвшиж, СЕХ-ны хурлаар тэднийг Монгол Улсын Ерөнхийлөгчийн ээлжит сонгуульд нэр дэвшүүлэхээр болсон. МАХН-аас нэр дэвшсэн Н.Энхбаярыг СЕХ-оо бүртгэхээс татгалзсан тул түүний оронд С.Ганбаатарыг тус намаас нэр дэвшүүлэхээр бичиг баримтыг нь бүрдүүлэн СЕХ-нд хүргүүлээд байв.
СЕХ-оо ээлжит хуралдаанаа хийж, С.Ганбаатарыг нэр дэвшигчээр бүртгэсэн тогтоол гаргаж МАХН-д хүргүүлжээ. Ингэснээр гурван нэр дэвшигч тодорлоо.
Сонгуулийн ерөнхий хорооноос санал хураах өдрөөс 30 хоногийн өмнө буюу энэ сарын 27-нд нэр дэвшигчдийн үнэмлэхийг гардуулах юм байна.
Г.Тэгшсүрэн
Уншиж байна |