Их Британийн Манчестер  хотын “Манчестер Арена” цэнгэлдэх болж байсан тоглолтын үеэр террорист халдлага үйлдсэн этгээдийн гэр бүлийг баривчилсан талаар тус улсын эрх баригчид мэдэгдлээ.

Цагдаагийнхан халдлага үйлдсэн этгээдийн аав болох Рамадан Абеди болон хүү Хашем Абедиг Ливийн нийслэл Триполи хотоос баривчилжээ.

Харин Салманы төрсөн ах Исмал Абидег Манчестер хотоос баривчилсан байна.

Америкийн уран бүтээлч Ариана Грандегийн тоглолтын үеэр Ливиэс цагаачлан ирсэн Салман Абаде гэгч амиа егүүтгэсэн юм.

Уг халдлагын хариуцлагыг Иракийн хэт даврагч Халифатын вант улс бүлэглэл өөртөө хүлээсэн билээ. Энэхүү хэрэг явдлаас болж тус улсын Ерөнхий сайд Тереза Мэй орон даяар онц байдал зарласан юм.

Б.Дэлгэрцэцэг