Автомашинтай иргэд нууранд живж, амиа алдсан хэрэг гарчээ.

Тодруулбал “Эстима” маркийн автомашинаар зорчиж явсан 67 настай Ц, 67 настай Д нар Архангай аймгийн Баян нууранд живж, амиа алджээ.

Талийгаачид тус аймгийн Түвшрүүлэх сумын харъяат бөгөөд тавдугаар сарын 31-нд гэрээсээ гараад сураггүй алга болжээ.  Ар гэрийнхэн нь ОБЕГ-т эрэн хайх ажиллагаа зохион байгуулж өгөхийг хүссэний дагуу 2017.06.04-нд тус аймгийн Онцгой байдлын газрын Эрэн хайх аврах салбарын 7 албан хаагч, орон нутгийн 11 хүн, нийт 18 хүн, 6 техник хэрэгсэлтэйгээр ажиллаж 13:34 цагт Баян нуурын эргээс 10-15 метрийн зайтай, 3 метрийн гүнээс автомашин болон 2 цогцсыг гаргажээ.

Хэргийг Архангай аймгийн цагдаагийн хэлтэст шалгаж байна.

Г.Тэгшсүрэн