АНУ-ын Ерөнхийлөгч Дональд Трамп өнгөрөгч долоо хоногт уур амьсгалын өөрчлөлтийн эсрэг Парисын хэлэлцээрээс гарч буйгаа олон нийтэд зарласан билээ. Уг хэлэлцээрт дэлхийн 195 орон нэгдсэн юм.
Тэгвэл уг шийдвэрийг эсэргүүцэн АНУ-аас БНХАУ-д суугаа бүрэн эрхт Элчин сайд Дэвид Рэнк ажлаа хүлээлгэн өгөх шийдвэрийг гаргасан талаар “www.rosred.ru” сайт мэдээллээ.
Тэрбээр 1991 оноос АНУ-ын Гадаад харилцааны яаманд ажилласан туршлагатай нэгэн бөгөөд өнгөрсөн оны нэгдүгээр сараас эхлэн эх орноо төлөөлөн Бээжин хотноо сууж байжээ.
Трамп саяхан АНУ-ыг төлөөлөн БНХАУ-д суух Элчин сайдаар Айова мужийн захирагч асан Терри Брэнстэдийг томилсон юм. Тэрбээр ажлаа хараахан хүлээн аваагүй байгаа бөгөөд Дэвид Рэнк шинэ Элчин сайдыг ирэх хүртэл Бээжин хот дахь АНУ-ын Элчин сайдын яамыг тэргүүлэн суух байсан ч хугацаанаасаа өмнө ийнхүү ажлаа хүлээлгэн өглөө.
Одоогоор уг асуудлаар Цагаан ордон албан ёсны мэдэгдэл хийгээгүй байна.
Б.Дэлгэрцэцэг
Уншиж байна |