АНУ-ын төв цэг Цагаан ордны хажууд Монголын иргэн өлсгөлөн зарлахаа мэдэгджээ. Өнөөдөр АНУ-д болон гадаадад амьдарч буй 7000 монгол иргэн байгаа гэдэг статистик бий. Тэдний 2017 оны Ерөнхийлөгчийн сонгуульд өгөх саналыг энэ сарын 10-нд авсан. Яг тэр үйл явдалтай давхцуулаад өлсгөлөн зарлаж буйгаа цахим орчинд мэдэгдсэн аж.
Энэ иргэн “Бид хэдий болтол улс төрийн сонголт, эрх чөлөө, тусгаар тогтнолын төлөө өгсөн саналаа луйвардуулах вэ. М.Энхболд тэргүүтэй МАН-ынхан олон жилийн өмнөөс бэлтгэж 2016 оны сонгуулийг луйвардсан. Одоо 2017 оны сонгуулийг луйвардах гэж байна. Энэ нь албан тушаалыг наймаалцсан “60 тэрбум”-ын бичлэгээр ил болсон. Харин тэд энэ асуудлыг хүчээр дарж байна. Тиймээс энэ бичлэгийг олон нийтэд ил болгохыг дэмжиж би өлсгөлөн зарлалаа” хэмээн мэдэгджээ.
Эх сурвалж: mminfo.mn