Монгол Улсын Ерөнхийлөгчийн сонгуульд МАХН-аас нэр дэвшигч С.Ганбаатарыг авлигын хэргээр цагдаагийн байгууллагаас шалгаж буй тухай бид өмнө нь мэдээлсэн. Тэгвэл түүнийг гадаадын иргэнээс хандив авсан гэх бичлэг эвлүүлэг биш гэдгийг тогтоосон тухай цагдаагийн байгууллагаас мэдээллээ.
Энэ талаар нэр дэвшигч С.Ганбаатараас тайлбар авахыг хүссэн ч татгалзсан байна. Тиймээс цагдаагийн байгууллагаас шалгалтыг үргэлжлүүлж, олон нийтийн сүлжээнд тавигдсан бичлэг нь 2017 оны 05.23-ны өдөр С.Ганбаатарын гэрт болсон үйл явдал мөн болохыг тогтоожээ. Мөн уг бичлэг эвлүүлэг, засваргүй болохыг тогтоосон гэх мэдээллийг цагдаагийн байгууллагаас өглөө.
С.Ганбаатарыг сонгуулийн тухай хууль тогтоомж зөрчсөн эсэхийг тогтоолгохоор Баянзүрх дүүргийн шүүхэд шилжүүлсэн байна.