Цагдаагийн байгууллага энэ сарын 23-ны 09:00 цагаас эхлэн өндөржүүлсэн бэлэн байдалд шилжсэн.

Монгол Улсын Ерөнхийлөгчийн 2017 оны ээлжит сонгуулийн үйл ажиллагааг хянах, аюулгүй байдлыг хангахаар нийт 2803 алба хаагч тасралтгүй үүрэг гүйцэтгэж байна. Тэдний 1002 нь нийслэлчүүдийн санал авах 403 хэсгийн хороодын аюулгүй байдал, хамгаалалтад ажиллаж байна. Харин орон нутагт байрлах санал авах 1580 байрны хамгаалалтад 1801 алба хаагч үүрэг гүйцэтгэж буй юм.