Сирийн Ерөнхийлөгч Башар аль Ассад өчигдөр Оросын армийн бие бүрэлдэхүүнтэй уулзсан талаар “www.dailymail.co.uk” сайт мэдээллээ. Ерөнхийлөгч Ассад Сирийн Латакиа хотноо байрлах ОХУ-ын агаарын нисэх хүчний баазад зочилж, эх оронд нь үүрэг гүйцэтгэж буй цэргүүдтэй уулзаж, талархал илэрхийлжээ.

Ассад Оросын цэргийн төлөөлөлтэй уулзсаныхаа дараа байлдааны “Су 24” онгоцонд сууж, террористуудын эсрэг явуулж буй Москвагийн төлөөлөлтэй танилцсан байна.  ОХУ-ын Ерөнхийлөгч В.Путин өнгөрсөн 2015 оны есдүгээр сард террористуудын эсрэг дайн зарлаж буйгаа мэдэгдэж, цэргээ Сири рүү илгээсэн юм.

Сирид хяналтаа тогтоохыг санаархаж буй Исламын улс тэргүүтэй болон олон зэвсэгт бүлэглэлийн хүч Оросын байлдааны ажиллагааны тусламжтай эрс суларсан болохыг Ассад мэдэгдлийнхээ үеэр онцолжээ.

Б.Дэлгэрцэцэг