БНХАУ-ын дарга Си Зиньпин гэргий Пөн Ли-Юанийн хамтаар анх удаагаа Хонконгт айлчлахаар хүрэлцэн ирсэн талаар “www.dailymail.co.uk” сайт мэдээллээ.
Хонконг, БНХАУ-ын мэдэлд шилжсэний 20 жилийн ой тохиож буй юм. Энэ ойг тохиолдуулан Бээжингийн эрх баригч ийнхүү Хонконгт иржээ. Зи даргын айлчлалыг эсэргүүцэн олон мянган оюутан, залуус эсэргүүцлийн жагсаал зохион байгуулсан байна.
Цагдаагийнхан жагсаалыг хүчээр тараахын тулд даралттай ус зэргийг ашиглаж, мөн уг жагсаалыг зохион байгуулагчдын нэг Сурагчдын холбооны тэргүүн Жошуа Вонгийг баривчилжээ. Жагсагчид БНХАУ-ын туг өргөх ёслол болох талбайн ойролцоо жагссан аж.
Мөн жагсагчид Нобелийн Энх тайвны шагналт Лю Сяобод шударга хандахыг хүсчээ. Лю Сяобо элэгний хорт хавдар туссан учир хэдхэн өдрийн өмнө батлан даалтаар шоронгоос суллагдсан юм.
Түүнийг төрийн эргэлт хийхийг санаархсан хэргээр 2009 онд шүүхээс 11 жилийн хорих ялаар шийтгэсэн билээ.
Б.Дэлгэрцэцэг
Уншиж байна |