ХААН Банкнаас “Гайхамшиг аялал” картын урамшуулалт аяныг 2017 оны 07-р сарын 01-ний өдрөөс 2017 оны 09-р сарын 01-ний өдрийг дуустал хоёр сарын хугацаанд улс орон даяар эхлүүллээ.     

Аяны хүрээнд эрхэм харилцагч та ХААН Банкны картаараа ХААН Банкны карт уншигч ПОС машин дээр сар бүр 300,000 (Сарын гүйлгээний нийт дүн 300,000 байна) төгрөгөөс дээш дүнгээр гүйлгээ хийн урамшуулалд орох эрхтэй болно. Урамшуулалт аяны хүрээнд сар бүр 12 азтай харилцагч тодорч, түүх өгүүлсэн амьд музей гэж нэрлэгддэг алдарт Францын нийслэл Парис хот, хувцас загварын нийслэл гоёмсог чамин хот гэдгээрээ алдартай Италийн Милан хот, байгалийн гайхалтай үзэсгэлэнт газрууд эрт цагийн гайхамшигт иргэншил болон орчин үеийн хотын төрхийг бүрдүүлж чадсан Австри улсын Вена хот, хүн байгалийн уялдаа холбоог гайхалтай хослуулж, хүмүүсийн амьдрах орчинг жинхэнэ утгаар нь бүрдүүлж чадсан Швейцарийн Женев хотоор тус тус аялж, “Гайхамшигт аялал”-ыг бүтээх юм.

Урамшуулалд ХААН Банкны дотоодын болон Олон улсын бүх төрлийн картаар ПОС машин дээр хийсэн бүх төрлийн гүйлгээ хамаарна. Урамшууллын хугацаанд буюу 2 сар дараалан 300,000 төгрөгөөс дээш дүнгээр гүйлгээ хийсэн харилцагчдаас супер 1 азтан тодорч, АНУ-ын Нью Йорк, Вашингтон, Атлантик хотуудаар аялна.  

Тохирлын эздийг 2017 оны 08-р сарын 05, 2017 оны 09-р сарын 02-ны Бямба гарагуудад 19:30 цагаас МҮОНТ-ээр шууд тодруулна. Супер азтан хоёр дахь шууд нэвтрүүлэг буюу 09-р сарын 02-ны өдөр тодорно.

Эрхэм та  “Гайхамшигт аялал” картын урамшуулалт аяны тухай дэлгэрэнгүй мэдээллийг  www.khanbank.com болон 1800 1917 дугаарт хандан аваарай. Та 131917 дугаарт “Ayalal” гэж бичин аянд оролцох тохирлын эрхээ шалгаарай.    

Эрхэм таныг азын тэнгэр ивээх болтугай.