Монгол Улсын Ерөнхийлөгчийн ээлжит сонгууль зургадугаар сарын 26-нд орон даяар явагдсан ч гурван нэр дэвшигчийн нэг нь 50+1 буюу олонхийн санал авч чадаагүй тул хуулийн дагуу хоёр дахь шатны санал хураалтыг энэ сарын 7-нд орон даяар зохион байгуулж дууслаа.
Монгол Улсын Ерөнхийлөгчийн сонгуулийн санал хураалтын эцсийн дүнг Сонгуулийн ерөнхий хорооноос өнөөдөр /2017.07.09/ мэдээллээ. АН-аас нэр дэвшигч Х.Баттулга сонгогчдын олонхийн саналыг авч, ялалт байгуулжээ.
2017 оны ээлжит сонгуулийн хоёр дахь шатны санал хураалтад нийт 1 сая 207 мянга 787 сонгогч саналаа өгсөн. Үүнээс МАН-аас нэр дэвшигч М.Энхболд 497 мянга 67 санал буюу 41.16 хувь, АН-аас нэр дэвшигч Х.Баттулга 611.226 санал буюу 50.61 хувийн санал авчээ.
Хоёр дахь шатны санал хураалтад сонгогчдын ирц 50 хувьд хүрэх ёстой бөгөөд хоёр нэр дэвшигчийн аль нэг нь 50+1 саналыг авснаар ялалт байгуулах боломж бүрдэх хуулийн заалттай. Тэгвэл сонгогчдын ирц улсын дүнгээр 60.6 хувьтай гарсан төдийгүй АН-аас нэр дэвшигч Х.Баттулга 1 сая 207 мянга 787 сонгогчийн олонхийн буюу 611.226 сонгогч буюу 50.61 хувийн санал авч, АН-аас нэр дэвшигч Х.Баттулга Монгол Улсын тав дахь ерөнхийлөгчөөр сонгогдлоо.
Г.Тэгшсүрэн
Уншиж байна |