Улаанбаатар
8 байршилд хог хаягдал түр хадгалах савтай боллоо
2017-7-17

 

Туул голын эрэг орчмын ил задгай хог хаягдлыг багасгаж, орчны бохирдлыг бууруулах зорилгоор хог хаягдал түр хадгалах сав хийж суурилуулах сайн дурын ажлыг эхлүүлээд байна. Уг ажлын хүрээнд Баянзүрх дүүргийн Засаг даргын Тамгын газрын Тохижилт, нийтийн аж ахуйн хэлтэс, Солонгос улсын KOICA Олон Улсын байгууллага хамтын ажиллагаагаа эхлүүллээ.

 

Уг ажлын хүрээнд одоогийн байдлаар найман байршилд нийт 16 ширхэг хог хаягдал түр хадгалах савыг суурилуулаад байна. Тодруулбал,  Баянзүрх дүүргийн 11 дүгээр хорооны нутаг дэвсгэр буюу Баянзүрхийн гүүрний зүүн, баруун хэсэгт  хог ангилан хаях зориулалт бүхий савыг эхний ээлжинд байршуулаад байгаа юм.

 

Харин дээрх савнуудын арчлалт хамгаалалт болон хог тээврийн асуудлыг Баянзүрх дүүргийн  Нийтлэг үйлчилгээний газар-4 хариуцан ажиллахаар боллоо хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Shuud.mn
Сонин хачин
ногоон бүсээ хамгаалах цаг нь болсон:
Ногоон бүсийг хэн нэгний хамгаалалтад өгөх хэрэгтэй дэ. орж байгаа нь тодорхой хэмжээний хураамж төлөөд тухлан суудаг, хураамжаа хурааж авсан нь хүмүүсийг ая тухтай байлгах талаар анхаарч тохижилт цэвэрлэгээгээ хариуцдаг, хог хаягдал дээр нь хяналт тавьчихдаг иймэрхүү болвол зүгээр санагддаг. Тэгэхгүй бол хэн дуртай нь хаа таарсан газраа хогоо хаяж бие засдаг муу зуршил зогсохгүй дэ
2017-07-17