АНУ-ын Конгресс ОХУ-ын эсрэг хориг тавихыг дэмжсэний дараахан Кремлмийн тэргүүн В.Путин эх оронд нь байгаа Америк дипломатчдын тоог бууруулахаар болсноо зарласан юм.
АНУ-ын 1200 орчим дипломатч Орос ажилладаг бөгөөд тэдний 755 нь нутаг буцахаар болсон билээ.
ОХУ-ын Гадаад хэргийн яам “Дээрх дипломатчид ирэх сарын 1-нээс өмнө нутаг буцна” гэж мэдэгдсэн. Тэгвэл 755 дипломатч нутаг буцсаны хариуд АНУ-ын Ерөнхийлөгч Дональд Трамп талархлаа илэрхийлжээ.
Тэрбээр “Танд баярлалаа. 755 төлөөлөгчийг нутаг буцааснаар АНУ мөнгө хэмнэх нь” гэж мэдэгдсэн байна.
Энэ талаар албаны эх сурвалж мэдээлжээ. Гэхдээ Цагаан ордны тэргүүн ийнхүү мэдэгдсэн эсэхийг албаныхан хараахан батлаагүй байгаа юм.
Б.Дэлгэрцэцэг
Уншиж байна |