МАН-ын эрх мэдлийн төлөөх хагарал эрчимтэй өрнөж байна. Сэтгүүлч Л.Мөнхбаясгалан Цензургүй сурвалжлага нэвтрүүлгээрээ Шадар сайд У.Хүрэлсүхийг хамгаалсан цөөнгүй баримтыг дэлгэж, МАН-ын эрх мэдэлтнүүдийн хагарлыг улам сэдрээлээ.
Энэ талаар МАН-ын гишүүд ч дуугарч эхэллээ. Тухайлбал, УИХ-ын гишүүн Л.Оюун-Эрдэнэ өөрийн цахим хуудсанаа
"Юу болсон бүх нууцыг дэлгэрэнгүй яринаа! Хүсээд байгаа бол.
Өнгөрсөн нэг жилийн Засгийн газрын алдаа ард түмнээр тавиулсан дүнгээ энэ мэтээр хайцаалах гээд бүтэхгүй дээ!
Худалдаа хөгжлийн банкны 5 давхарт байрладаг Ерөнхий сайдын зөвлөх Н.Төмөрхүү та эхлээд энэ сурталчилгаагаа, бас Зам тээврийн яамнаас авч байгаа авлигалаа зогсоо! Та нарын мөнгөнд шунасан бүтэлгүй үйлдэл чинь л ардын намыг ийм байдалд оруулаад байна! Өөр хэн ч биш" хэмээн бичжээ.