Төрийн албыг худалдаж, наймаалцах МАН-ын 60 тэрбумын бичлэг хүрээгээ тэлж, улам олон хүнийг хамарсаар байна.
Өнөөдөр 60 тэрбумын гол эздийн нэг А.Ганбаатар мэдээлэл хийж, тухайн уулзалтад байсан хүмүүсийг нэрлэсэн. Тэрбээр "Нийслэлийн МАН-ын дарга Ц.Сандуй, Шадар сайд У.Хүрэлсүх, Ерөнхий нарийн бичгийн дарга Д.Амарбаясгалан, УИХ-ын гишүүн Л.Оюун-Эрдэнэ нар уулзаж, санхүүгийн схемтэй танилцсан. Г.Доржзодовын хийсэн схемийг үзэж, сонссон нь бурууддаг юм бол тэнд байсан У.Хүрэлсүх, Л.Оюун-Эрдэнэ, Д.Амарбаясгалан нар ч буруутай” гэсэн мэдээллийг өгөөд буй.
Үүнд МАН-ын генсек Д.Амарбаясгалан хариу өгчээ. Д.Амарбаясгалан “60 тэрбумынхан арчаагаа ч нэг алдаж байна даа. Манай нам эднээр хангалттай тоглууллаа. Одоо хангалттай!!! Тоглоом тоотой нь дээр!!!” хэмээн цахим хуудсанаа бичжээ.
В.Бат