Ж.Эрдэнэбатын тэргүүлсэн Мэргэжлийн Засгийн газрыг огцруулах чимээ хэдэн өдрийн өмнөөс үргэлжилж байна. Танхимын Шадар сайд нь ажлаас чөлөөлөгдөх хүсэлтээ өгөөд тав хонож буй. Ж.Эрдэнэбат Ерөнхий сайдтай хамтран ажиллах итгэл үнэмшилгүй боллоо хэмээн У.Хүрэлсүх өргөдлөө өгсөн. Мөн Ж.Эрдэнэбатыг Ерөнхий сайдаар ажиллах ёс суртахуунгүй хэмээн огцруулахаа нуугаагүй.
Харин өчигдрөөс Мэргэжлийн Засгийн газрыг огцруулах саналд нэгдсэн МАН-ын бүлгийн гишүүдийн нэрс олон нийтийн сүлжээгээр тарлаа.
УИХ-ын гишүүн Л.Оюун-Эрдэнэ, Ц.Даваасүрэн, Ж.Энхбаяр, Д.Тогтохсүрэн, А.Сүхбат, Ч.Чинзориг, Д.Цогтбаатар, Ч.Хүрэлбаатар, Л.Элдэв-Очир, Т.Аюурсайхан, Х.Болорчулуун, Б.Баттөмөр, Д.Дамба-Очир, Д.Сарангэрэл, Ц.Гарамжав, Г.Занданшатар, Ц.Нямдорж, Д.Сумъяабазар, Х.Нямбаатар, Я.Содбаатар, М.Оюунчимэг, Сү.Батболд, Д.Лүндээжанцан, Ө.Энхтүвшин, Б.Батзориг, Ж.Ганбаатар, Д.Гантулга, Ш.Раднаасэд, Г.Солтан, Н.Учрал, Б.Энх-Амгалан, Н.Энхболд гэсэн 32 гишүүн Засгийн газрыг огцруулахаар гарын үсгээ зураад буй гэнэ. Тэд огцруулах саналаа хэзээ хүргүүлэх нь тодорхойгүй байна.
Ардчилсан намынхан Н.Алтанхуягийн Засгийн газрыг унагааж байсан. Харин энэ удаа МАН-ынхан өөрийн Засгийн газраа унагаахаар бужигнаж эхэллээ.
В.Бат