Мэргэжлийн Засгийн газрыг огцруулах асуудлыг УИХ өнөөдрөөс хэлэлцэж эхэлнэ. Үүнтэй зэрэгцээд дараагийн Засгийн газрын гишүүдийн нэрс тодорч эхэлсэн тухай мэдээ ч түгэв. Ерөнхий сайд нь У.Хүрэлсүх, Шадар сайд нь Ж.Энхбаяр гэх схем олон нийтийн сүлжээнд түгэв. Ерөнхий сайд Ж.Эрдэнэбатыг огцруулах саналтай талынхан АН-ынхантай хамтарч Засгийн газар байгуулахаар болсон, З.Энхболдын гарын үсэг мөн гэхчлэнгээр олон нийтийн сүлжээнийхэн "шуурч" байна.

Харин үүнд З.Энхболд хариу өгчээ. Тэрбээр "Энэ миний гарын үсэг биш шүү. Хүрэлсүх шадар сайдтай түймэр унтраалцахад цуг явснаас өөрөөр уулзаагүй, бичиг солилцоогүй. Гүтгэхээ зогсооё" хэмээн өөрийн цахим хуудсаараа дамжуулан тайлбар хийсэн байна.