Ерөнхийлөгч Х.Баттулгад Унгар Улсын Ерөнхий сайд бараалхлаа
2017-8-31

 

Унгар Улсын Будапешт хотноо энэ 8 дугаар сарын 28-наас 9 дүгээр сарын 2-ны өдрүүдэд зохион байгуулагдаж буй Жүдо бөхийн дэлхийн аварга шалгаруулах тэмцээнд Монголын Жудо бөхийн холбооны Ерөнхийлөгчийн хувиар оролцож байгаа Монгол Улсын Ерөнхийлөгч Х.Баттулгыг хүндэтгэн Унгар Улсын Ерөнхий сайд Виктор Орбан өчигдөр бараалхаж үдийн зоог барив. Тус уулзалтын үеэр талууд хоёр орны харилцаа, хамтын ажиллагааны өнөөгийн байдлын талаар дэлгэрэнгүй санал солилцож, эдийн засгийн хамтын ажиллагааг эрчимжүүлэхээр тохиров.

 

Тухайлбал, 2010 онд байгуулсан “Биокомбинат ТӨҮГ-ын тоног төхөөрөмжийг шинэчлэх” төслийг санхүүжүүлэх 25 сая ам.долларын тусламжийн зээл олгох тухай хэлэлцээр өнөө хүртэл хэрэгжээгүй байгаа асуудлыг хэлэлцэж, уг төслийн хэрэгжилт удаашрах болсон шалтгааныг тодруулж, төслийг яаралтай эхлүүлэх чиглэлээр хоёр тал ажиллахаар тогтов. Уг төслийн хамтран хэрэгжүүлэхийн төлөө Монгол Улсын Ерөнхийлөгч Х.Баттулга ҮХАА-н сайдаар ажиллаж байхдаа анхаарал хандуулан ажиллаж байсан юм. Уг төсөл хэрэгжсэнээр хөдөө аж ахуйн гаралтай түүхий эдийн экспортод дорвитой ахиц гарна, Монголын эдийн засгийг олон салбартай болгон солонгоруулахад ихээхэн чухал ач холбогдолтой гэж үзэж байгаа юм.

Shuud.mn
Сонин хачин
Зочин:
Ёо ёо энэ нөхрийн ямар ч хэрэггүй ингэж улсын мөнгө үрж доншуучилдагийг нь болиулах хэрэгтэй. Энэ нэг Дорилогжав гэдэг нөхө ч юу ч билээ дээ. Эсгий хийх газар нохой хэрэггүй гэгчээр.
2017-09-02
Нэг:
Дорлигжав Баттулга хоёр нэг мафийн гишүүд гэж Тэмүүжин хэлээд байсан нь үнэн юм байна.
2017-08-31
сайнбаяр:
Ёоё энэ Дорлигжав мэтийн гаруудаас өөр ухаалаг нэгэн Монголд алга гэж үү нэр нь навс унасан нүүр нь ширлэсэн АН- баатар нэрийг өөрсөндөө өгсөн хэдэн гарууд зүгээр л олны нүднээс хол хүнд хэрэггүй сэтгүүл сонин гаргаад явбал барав. Яахав уншихгүй ч утаа гаргая. Та нар насаараа барахгүй хөрөнгөтэйгөөс хойш хүнд өгч чадахгүй юм чинь гал гаргах цаас ч болтугай хүмүүст өгвөл буян
2017-08-31