УИХ-ын сонгуулиар МАН-ыг “маш ашигтай наймаа” болгож Нийслэлийн ИТХ-ын дарга болсон Ц.Сандуй өөрийн хүсэлтээр ажлаасаа чөлөөлөгдөх өргөдлөө өглөө. Түүний энэ шийдвэр “60 тэрбумын бичлэг” эвлүүлэг биш гэдгийг бүрэн хүлээн зөвшөөрч байгаа хэрэг юм.
НИТХ-ын АН болон МАН-ын гишүүд Ц.Сандуйг үүрэгт ажлаасаа чөлөөлөгдөж, хууль журмын дагуу “60 тэрбумаа шалгуул” гэдэг шаардлага тавихад огт хэрэгсээгүй Ц.Сандуй чухам яагаад гэнэт ийм шийдвэр гаргасан нь олон асуулт дагуулж байна.
“60 тэрбум” анх шуугиан үүсгэж, МАН-ын удирдлагууд түүнийг ажлаа эртхэн өгч, хэл амаас сал гэж ятгахад Ц.Сандуй тамгаа зөвхөн Багануурын Засаг дарга Ц.Сандаг-Очирт өгнө гэснийг нь ойрын сурвалж нотолдог. Одоо түүнийг АТГ-т очиж мэдүүлэг өгч асуудлыг мухарлах уу, аль эсвэл эрх мэдэлтэй зууралдаагүй улстөрч гэдэг нэр зүүгээд НИТХ-ын даргад өөрийн хүнээ тавих уу гэдгийг харах л үлдлээ.
МАН-ыг “маш ашигтай наймаа” гэж 40 минутын бичлэг дээрээ ярьж суусан Ц.Сандуй ямар наймаа хийсэн бол?
Б.Болд