Бразилын Покос Де Калдас хотод шатрын өсвөр үеийнхний ДАШТ өнгөрсөн сарын 21-31-нд болов.

Тус тэмцээнд манай улсаас долоо тамирчин өрсөлдсөнөөс найм хүртэлх насны ангилалд Б.Тэнүүнболд хүрэл медаль хүртлээ. Улмаар Дэлхийн шатрын холбооны дэд мастерын болзол хангалаа. Түүнчлэн энэ насны ангилалд Г.Лхагважэд дөрөв, Х.Баясгалан нар тавдугаар байрт орсон нь манай тамирчдын үзүүлсэн хамгийн өндөр амжилт юм.