13:00 цаг:
Ээлжит бус чуулганы хуралдаанаар Засгийн газрыг огцруулах асуудлыг хэлэлцэв. Төрийн байгуулалтын байнгын хороо уг асуудлыг хэлэлцээд Засгийн газрыг огцруулах шаардлагагүй гэсэн дүгнэлт хийжээ. Үүний дараагаар Ерөнхий сайд Ж.Эрдэнэбат:
-Засгийн газрыг огцруулах асуудалтай зэрэгцэн Ерөнхий сайд Ж.Эрдэнэбат Шадар сайд У.Хүрэлсүхийг тагнасан гэх мэдээлэл цацагдсан. Ард түмний дунд тагнаж, чагнажээ гэсэн эргэлзээ үүсгээд байгаа. Миний хувьд залуу хүн. Аливаа нэр хүндээ унагаасан асуудал холбогдоод явах сонирхол байхгүй байгаа. Би энэ асуудлаар УИХ-ын Тусгай хяналтын дэд хороонд хандсан. Тусгай хяналтын дэд хороогоор энэ асуудлыг хаалттай хэлэлцэж, мэдээлэл сонсох хүсэлтээ илэрхийлсэн. Өнөөдрийн хуралдаанаар ямар ч шийдвэр гарсан бай дэд хороодоор миний хүс элтийг хэлэлцүүлж өгөхийг хүсч байна хэмээлээ.
УИХ дахь МАН-ын бүлгийн дарга Д.Хаянхярваа:
-Ерөнхий сайдын хэлсэн саналыг хүндэтгэж үзэх хэрэгтэй байна. Манай бүлгийн 30 гаруй хүн миний өрөөнд байна. Тусгай хяналтын дэд хороогоор уг асуудлыг хэлэлцүүлэхгүй бол энэ хуралдаанд орохгүй гэсэн байр суурьтай байна. Шадар сайдаа тагнууллаа гэсэн хандлага нийгэмд бий болоод байгаа. Тиймээс Ерөнхий сайд Ж.Эрдэнэбатын саналыг хүндэтгэж үзэж байна. Тиймээс энэ асуудлыг Тусгай хяналтын дэд хороогоор хэлэлцүүлж өгөөч гэсэн хүсэлт гарган МАН-ын бүлэг завсарлага хүсч байна хэмээв.
Ийнхүү МАН-ын бүлэг завсарлага авснаар УИХ-ын ээлжит бус чуулганы хуралдаан өндөрлөлөө.
Засгийн газрыг огцруулах асуудлыг хэлэлцэж эхэллээ
12:50 цаг:
УИХ-ын ээлжит бус чуулганы хуралдаан эхэллээ. Хуралдааныг нээж УИХ-ын дарга М.Энхболд:
-Засгийн газрыг огцруулах асуудлыг хэлэлцэн шийдвэрлэхээр цуглаад байна. 2016 оны УИХ-ын чуулганаар ард түмэнд МАН-д асар их итгэл хүлээлгэс эн. Энэ удаагийн УИХ-ын сонгууль ард түмний итгэл, хүлээлт хоёр дээр суурилсан байсан. 2017 оны эхний хагас жилийн байдлаар эдийн засаг 5.3 функтээр өссөн.
Засгийн газар, Ерөнхий сайдыг огцруулах асуудлыг бид хэлэлцэнэ. Энэ асуудал зөвхөн эрх баригч намын хувьд биш ард түмний дунд ч үл ойлголцол үүсгээд байна. Засгийн газрыг огцруулах асуудалд гишүүн болгон нухацтай хандаарай. Улс орны өмнө хүлээгдэж байгаа нийгэм, эдийн засгийн байдалд та бид анхаарлаа хандуулах ёстой хэмээлээ.
Н.Энх
Уншиж байна |