АНУ-ын Нью Йорк хотноо зохион байгуулагдаж буй НҮБ-ын Ерөнхий ассамблэйн чуулга уулзалтад оролцохоор Хойд Солонгосын Гадаад хэргийн сайд Ри Ён Хо хүрэлцэн ирсэн талаар “Ройтерс” агентлаг мэдээллээ.
АНУ-ын Ерөнхийлөгч Дональд Трамп өчигдөр НҮБ-ын индэр дээрээс үг хэлэхдээ “Хойд Солонгосыг бүрмөсөн устгах болно. Хойд Солонгосын удирдагч Ким Чен Ун бол “пуужинтай эр”. Түүний үйлдэл амиа хорлохтой ижил” гэсэн юм.
Трампын сүрдүүлгийн талаар сайд Ри Ён Хогоос хэвлэлийнхэн товчхон тодруулга авч чадсан аж.
Сайд “Тэр ингэж нохой шиг хуцаад биднийг сүрдүүлж чадна гэж бодож байгаа бол энэ жинхэнэ нохойны мөрөөдөл болно. Түүний сүрдүүлэг яг л нохой хуцахтай ижил. Өөр зүйл байхгүй” гэж хэлсэн байна.
Удирдагчийг нь “Пуужинтай эр” хэмээн шоглосон асуудлаар сайдаас асуухад тэрбээр “Түүнд энэ үгийг бичиж өгсөн туслахуудаас нь ичиж байна. Үнэхээр ичмээр” хэмээн хариулжээ.
Б.Дэлгэрцэцэг