АНУ-ын Ерөнхийлөгч Дональд Трамп НҮБ-ын Ерөнхий Ассамблейн чуулганы индэр дээрээс “Хойд Солонгосыг юу ч үгүй устгах болно” хэмээн мэдэгдсэн билээ.
Уг мэдэгдлийг олон улс шүүмжилсэн бөгөөд “Дэлхийн тэргүүлэгч гүрний Ерөнхийлөгч иймэрхүү болчимгүй мэдэгдэл хийх нь буруу” хэмээн буруутгажээ.
Тэгвэл Трампын мэдэгдлийн дараа Хойд Солонгосын залуу удирдагч Ким Чен Ун түүнд хандан мэдэгдэл хийсэн талаар “Ройтерс” агентлаг мэдээлэв. Ким Чен Уны мэдэгдлийг тус улсын төрийн мэдлийн “KCNA” агентлаг цахим сайтдаа нийтэлжээ. Удирдагч, Цагаан ордны тэргүүнийг “Сэтгэцийн өвчтэй” хэмээгээд “Тэр үүнийнхээ шанг тун удахгүй хүртэх болно” гэж заналхийлсэн байна.
Хойд Солонгос улс саяхан зургаа дахь удаагаа цөмийн туршилт хийж, хоёр ч удаа Номхон Далайд хүрч чадах баллистик пуужин харвасан билээ.
Б.Дэлгэрцэцэг
Уншиж байна |