“Оюунлагууд цуглах өргөө” уриатай Улсын драмын эрдмийн театрын хамт олны энэ улирлын тоглолт түүхэн жүжгийн сараар эхэлж байна. “Эх түүх, соёлоороо бахархаж, ирээдүй хойчдоо өвлүүлцгээе” тоглолт энэ сарын 6-нд Соёлын гавьяат зүтгэлтэн Ш.Гүрбазарын “Жаргаагүй нар” түүхэн жүжгээр 19.00 цагт эхэлнэ. Мөн уг жүжгийг мөн сарын 7, 8, 21, 22-нд 17.00 цагт дахин тоглоно.

Түүхэн жүжгийн сар Б.Цогнэмэхийн “Тэнгэрийн хүү” жүжгээр үргэлжлэх бөгөөд аравдугаар сарын 13-нд 19.00 цагт, 14, 15-нд 17.00 цагт үргэлжилнэ. Аравдугаар сарын 18-нд 19.00 цагт Төрийн шагналт, Ардын уран зохиолч Б.Лхагвасүрэнгийн “Тамгагүй төр” жүжгийг тоглох бол 19-нд 15.00 цагт, 20-нд 19.00 цагт тус тус тоглоно. Харин аравдугаар сарын 28, 29-нд 12.00 цагт С.Жаргалсайханы “Тэмүүжин”, 17.00 цагт Б.Шүүдэрцэцэгийн “Ану хатан” жүжгийг тоглох юм байна.

Сонирхуулахад, түүхэн жүжгийн сар эхэлсэнтэй холбогдуулан УДЭТ-аас түүхэн багц зарлажээ. Түүхэн багцад таван жүжгийг 60 мянга, гурван жүжгийг 45 мянган төгрөгөөр үзэх боломтой бөгөөд эхний 100 хүн уг багцад хамрагдах боломжтой юм.   

Р.Дулам