ОХУ-ын Ерөнхийлөгч В.Путины төрсөн өдөр өчигдөр болж, тэрбээр 65 нас хүрсэн талаар “TASS” агентлаг мэдээллээ.  Ерөнхийлөгч төрсөн өдрөө ойрын хүрээллийн хэсэг нөхдийн хамт тэмдэглэн өнгөрүүлсөн гэнэ. Гэхдээ Ерөнхийлөгчийн төрсөн өдрөөр нийслэл Москва хотноо олон мянган иргэн эсэргүүцлийн жагсаал зохион байгуулж, эмх замбараагүй байдал үүсгэжээ.

Жагсагчид Ерөнхийлөгчөө огцрохыг шаардахаас гадна гартаа “Путин бол луйварчин”, “Хууль үйлчилдэггүй дархан эрхтай эзэн хааныг суудлаас нь түлхэн унагаах цаг боллоо” гэх мэт лоозонгоор жигдэрсэн аж.

Жагсаалд оролцогчид бүгдээрээ Авлигын эсрэг сангийн тэргүүн Алексей Навальный дэмжигчид байсан гэнэ. Түүнийг өнгөрсөн долоо хоногт хууль бусаар жагсаал зохион байгуулсан, олон нийтийн газар эмх замбараагүй байдал үүсгэсэн, иргэдийг эмх замбараагүй байдалд өдөөн турхирсан хэмээн буруутгаж, улмаар 20 хоног баривчилжээ.

Өчигдөр болсон жагсаалыг цагдаагийнхан хүчээр тараасан бөгөөд ойролцоогоор 260 гаруй жагсагчийг баривчилсан тухайгаа хэвлэлийнхэнд мэдэгдэв.

Б.Дэлгэрцэцэг