Засгийн газраа бүрдүүлэх асуудалд Ерөнхий сайд У.Хүрэлсүх МАН-ын дарга М.Энхболдтойгоо тохироонд хүрээд байгаа. Тодруулбал Засгийн танхимын 9 сайдын томилгоог Ерөнхий сайд У.Хүрэлсүх, 6-г нь М.Энхболд шийдэхээр болсон.
УИХ дахь МАН-ын бүлгийн Ж.Эрдэнэбатын Засгийн газрыг огцруулах саналд гарын үсэг зураагүй гишүүдээс М.Энхболдын мэдэл дэх томилгооны зургаан сайд тодорно. Тодруулбал Шадар сайд болон ЭМЯ, ЗТЯ, БСШУСЯ, БХБЯ, БХЯ-ны сайдын нэрс ч гарсан. Төрийн ордонд өнөөдөр УИХ дахь талцаад байгаа МАН-ын бүлэг хоёр талд сэм хуралдаж байгаа бор шувуу нисч байлаа.
МАН-ын даргын томилгоон дахь Шадар сайдаар Л.Энх-Амгалан, БОАЖ-ын сайдаар О.Содбилэг нарыг хүлээж авахгүй гэдгээ Ерөнхий сайд У.Хүрэлсүх мэдэгдсэн сурагтай. Ерөнхий сайд У.Хүрэлсүх уул уурхайн салбарт ашиг сонирхлын зөрчилтэй хүмүүсийг хүлээж авахгүй гэдэг байр сууриа илэрхийлжээ.
Ямартай УИХ дахь МАН-ын бүлгийн хурал өнөөдөр 14.00 цагт товлогдоод байгаа юм.
Н.Нягт