Монгол Улс цаазын ялгүй 97 дахь орон болсныг 2012 онд Хүний эрхийн үндэсний комиссоос зарлаж байв. Өөрөөр хэлбэл, манай улс Иргэний болон улс төрийн эрхийн тухай олон улсын Пактын Нэмэлт II Протоколд нэгдэн орох тухай хуулийг УИХ-ын чуулганаар соёрхон баталснаар цаазын ялгүй орнуудын эгнээнд багтжээ. Тэгвэл сүүлийн үед бага насны хүүхдийг хүчирхийлэх, цаашлаад хэрцгийгээр хөнөөх, яргалах гэмт хэрэг ихээр үйлдэгдэж байгаатай холбогдуулан олон нийтийн зүгээс цаазын ялыг сэргээх шүүмжлэл өрнүүлдэг болов.
Саяхан 13 настай охиныг гэмт хэрэгтнүүд хэрцгийгээр хөнөөсөн талаарх мэдээлэл олон нийтийг цочирдуулсан юм. Энэхүү мэдээлэлтэй холбогдуулан УИХ-ын гишүүн Д.Дамба-Очир “Цаазын ялыг эргэн сэргээх хэрэгтэй” гэж байр сууриа илэрхийлжээ.
С.САРУУЛ
Эх сурвалж: www.polit.mn