УИХ-ын чуулганы нэгдсэн хуралдаанаар ХЗДХ-ийн сайдыг томилох асуудлыг хэлэлцлээ.. Хэлэлцэж байгаа асуудалтай холбогдуулан гишүүд асуулт тавилаа. Тухайлбал, УИХ-ын гишүүн Л.Болд “Та сайдаар томилогдоод ямар ажлыг эхлүүлэх вэ?” гэсэн асуултад нэр дэвшигч Ц.Нямдорж:
-Энэ хэргийг нууцаар шийдвэрлэснийг туйлын буруу гэж байгаа юм. Хуульзүйн сайдад нууцаар шийдсэн асуудлыг ил болгох санал оруулж ирэх эрх байдаг юм. Адал балмад зүйл хийсэн учраас би яриад байгаа. Би энэ асуудлаар хамтарч ажиллах байх гэж найдаж байгаа юм. Энэ хүмүүст шүүхийн шийдвэр өгөөгүй байна гэж би ойлгосон. Монгол Үндсэн хуулийн систем бүхэлдээ нурж унаж байгаад гайхаад байна. Би ХЗДХ-ийн сайдаар очоод С.Зоригийн амийг хөнөөсөн хэргийн захиалагчийг шаардана.
Хоёрдугаарт, шинэ хуулийн хэрэгжилтийг судалж үзнэ. Монголын хууль орчиндоо таарсан байх учиртай. Залруулах арга хэмжээ оруулж ирнэ. Монголд таараагүй хууль батлахаар өөрөө систем нь нурж унаад байдаг юм. Хууль дээр ажиллаж байх үед согог нь мэдэгддэгүй юм. Хэрэгжээд эхлэхээрээ мэддэг юм. Би хуулийн сайд байхдаа улстөр ярьдаггүй байсан, одоо ярина шүү.
Ийнхүү гишүүдийн асуулт хариулт үргэлжилсний дараагаар санал хураалт явагдав. Гишүүдийн олонхийн саналаар ХЗДХ-ийн сайдаар Ц.Нямдоржийг ХЗДХ-ийн сайдаар томиллоо.
Н.Энх
Уншиж байна |