АНУ-ын Ерөнхийлөгч Дональд Трамп өнгөрсөн амралтын өдөр Цагаан ордны тэргүүн асан Жон Кеннедийн аллагын талаарх нууцын зэрэглэлд багтах “JFK” материалыг удахгүй дэлгэхээ мэдэгдсэн юм.
Тэгвэл Трамп амласан ёсоороо бусдын гарт харамсалтайгаар амиа алдсан Ерөнхийлөгчийн талаарх мэдээллийг интернэтэд байршууллаа.
Аллагатай холбоотой материалыг “www.archives.gov” сайтад байршуулсан аж.
Нийт 3100 орчим нууц материал бий бөгөөд өчигдөр 2800 орчмыг нь ил болгожээ. Харин үлдсэн 300 орчим материалыг нийтэд дэлгэхийг тус улсын Тагнуулын Ерөнхий газраас хориглосон болохыг Трамп мэдэгдэв.
Эдгээр материал дунд АНУ-ын үндэсний аюулгүй байдалд заналхийлэх материалууд бий хэмээн үзэж, нийтэд дэлгэхийг хоригложээ. Трамп “Би нийтэд зарлахыг хориглоод буй дээрх материалуудыг хагас жилийн хугацаанд судлах болно” гэж мэдэгдлээ.
Жон Кеннеди 1963 оны арваннэгдүгээр сарын 22-нд Даллас хотноо иргэдтэй уулзаж байхдаа, Ли Харви Освальд гэгчийн гарт амиа алдсан юм.
Б.Дэлгэрцэцэг
Уншиж байна |