Улаанбаатар
Саудын Араб эмэгтэйчүүд цэнгэлдэхэд тоглолт үзэх эрхтэй боллоо
2017-10-30

Саудын Арабын эзэн хаан Салман өнгөрсөн есдүгээр сард эмэгтэйчүүдийг автомашин жолоодохыг зөвшөөрсөн билээ. Олон жилийн турш тус улсын эмэгтэйчүүд машин жолоодож, замын хөдөлгөөнд оролцохыг хориглодог байсан юм.  Тэгвэл араб бүсгүйчүүд ирэх сараас спортын цэнгэлдэх хүрээлэнд орж, тоглолт үзэх боломжтой болж байна.

 

 

“Riyadh”, “Jeddah” болон “Dammam” зэрэг томоохон цэнгэлдэхэд орж, хүссэн тоглолтоо асуудалгүйгээр үзэх гэнэ.

 

Эзэн хаан “Эх оронд нь олон жилийн турш хууль мэт хэрэгжиж буй эрх тэгш бус жендерийн асуудлыг цэгцлэх болно” хэмээн ард түмэндээ амласан билээ.

 

Тус улсын спортын албаныхан дээрх ажилд хэдийнэ бэлдэж эхэлсэн байна. Өмнө нь бүсгүйчүүд зоогийн газар, кофе шоп зэрэгт байршуулсан дэлгэцний тусламжтай цэнгэлдэхэд болж буй тоглолтуудыг үздэг байсан юм.

 

Саудын Араб хэдий үсрэнгүй хөгжилтэй, иргэд нь баян чинээлэг амьдардаг боловч эмэгтэйчүүдийн эрх зөрчигддөг улсын нэг билээ.

 

Б.Дэлгэрцэцэг

Shuud.mn
Сонин хачин