Засгийн газрын ээлжит хуралдаанаар Батын Хурцыг Монгол Улсаас Бүгд Найрамдах Солонгос Улсад суугаа Элчин сайдаар томилуулах тухай саналыг хэлэлцэн дэмжиж, Монгол Улсын Ерөнхийлөгчид өргөн мэдүүлэхээр болжээ.
Б.Хурц нь нийслэлийн 23 дугаар дунд сургууль, Эрхүү хотын барилгын техникумыг төгссөн. 1997-1999 онд Москва хотын Эдийн засаг статистик мэдээллийн их сургууль, 1999-2000 онд ОХУ-ын Аюулгүй байдлын академид суралцаж төгссөн эдийн засагч, хууль мэргэжилтэй. Үндэсний аюулгүй байдлын зөвлөлийн ажлын албаны дарга, АТГ-ын дэд даргын албан тушаал хашиж байсан. Эдүгээ ТЕГ-ын даргаар ажиллаж байгаад ийнхүү дараагийн албан тушаалдаа томилогдох гэж байна.
Өнөөдөр Засгийн газрын хуралдаанаар ТЕГ-ын даргаар Д.Гэрэлтийг томилсон юм.