АНУ-ын Ерөнхийлөгч Дональд Трамп Азийн орнуудад хийж буй төрийн дээд хэмжээнийхээ айлчлалынхаа хүрээнд Япон улсад хүрэлцэн ирээд буй билээ.
Тэрбээр Японы сүр жавхлант эзэн хаан Акихито, хатан Мичико болон Ерөнхий сайд Шинзо Абетэй уулзаад буй юм.
Тэгвэл Трампын Япон дахь айлчлал албан ёсоор эхлэх үед Хойд Солонгосын эрх баригчид төрийн мэдлийн “KCNA” агентлагаараа дамжуулан мэдэгдэл хийлээ.
Тус агентлагийн цахим хуудаст “Трамп болчимгүй мэдэгдэл хийж, Хойд Солонгосыг өдөөн турхирах хэрэггүй. Тиймээс амаа мэдэж ярих хэрэгтэй” гэж бичжээ.
Цагаан ордны олон ч болчимгүй мэдэгдлээс болж хоёр улс өмнө нь хэзээ ч байгаагүй таагүй харилцаатай болоод буй юм.
Трамп өмнө нь Хойд Солонгосын удирдагчийг “Пуужинтай залуу” гэсэн бол “Хойд Солонгосыг газрын хөрснөөс арчих болно” хэмээн Нэгдсэн улсын Ерөнхийлөгчийн амнаас гарахааргүй үгийг хэлж байсан юм.
Б.Дэлгэрцэцэг
Уншиж байна |