ОХУ-ын Ерөнхийлөгч В.Путин болон АНУ-ын Ерөнхийлөгч Дональд Трамп нар Вьетнамын Данан хотноо зохион байгуулагдсан “АПЕК”-ийн дээд хэмжээний уулзалтын үеэр уулзсан билээ.

Удирдагчид эхний өдөр гар бариад л өнгөрсөн бол дараагийн өдөр нь Сирийн асуудлаар ярилцсан байна.

Энэ талаар Кремлийн хэвлэлийн албанаас өчигдөр мэдэгдэв.

Удирдагчид “Сири дэх зэвсэгт мөргөлдөөнд хүч хэрэглэхгүй байхаар тохиролцсон” хэмээн Кремлээс уламжиллаа.

АНУ-ын эрх баригчид ОХУ-ыг Сирид хүч түрэмгийлэн цэргийн ажиллагаа явуулдаг хэмээн буруутгадаг.

Сирид хяналтаа тогтоохыг санаархаж буй Иракийн хэт даврагч “Халифатын вант улс” бүлэглэлийг устгах ажилд хоёр улс хамтран ажиллахаар болсон байна.

Б.Дэлгэрцэцэг