БНХАУ-ын цэргийн өндөр албан тушаалтан амиа егүүтгэсэн талаар “Синьхуа” агентлаг мэдээллээ.

Тэрээр авлигын хэргээр шалгагдаж байсан юм.

Амиа егүүтгэсэн Жан Ян нь авлигын дуулианы улмаас генерал цолоо хураалгасан аж. Түүнийг мөн цолоо хураалгасан генералууд болох Гуо Босьён, Сью Цайхоу нартай холбоотой хэмээн буруутгаж байжээ.

Жан Яныг энэ сарын 3-нд Бээжин дэх гэртээ амиа егүүтгэсэн байдалтай олдсон гэнэ.

Прокурорууд түүнд бүх насаар нь хорих ял төлөвлөж байсан бөгөөд түүний хамсаатан болох Гуо Босьён өнгөрсөн онд бүх насаараа хоригдох ялаар шийтгүүлсэн  бол Сью Цайхоу өнгөрсөн 2015 онд хорт хавдраар амиа алдсан байна.

Б.Дэлгэрцэцэг