МАХН: О.Баасанхүүг хөөсөн шийдвэр гараагүй
2017-12-05

Гэрэл зургийг MPA.mn

 

МАХН-ын дэд дарга Ц.Оюунбаатар, тус намын Хяналт, ёсзүйн хорооны дарга Г.Давааням, Ерөнхий нарийн бичгийн дарга асан Н.Удвал нар мэдээлэл хийлээ. Тэд МАХН-д үүсээд буй асуудлаар байр сууриа илэрхийлэв.

 

МАХН-ын дүрмийн өөрчлөлтийг бүртгэхээс татгалзсан шийдвэрийг өчигдөр Улсын дээд шүүхээс гаргасан. Улс төрийн намын тухай хууль болон уг намын дүрэмд заасан шаардлагаа зөрчсөн хэмээн үзэж, МАХН-ын хүсэлтийг хүлээн аваагүй юм. Харин энэ асуудалд МАХН-ын Хяналт, ёсзүйн хорооны дарга Г.Давааням “Манай намын дүрмийн өөрчлөлтийг Дээд шүүх хоёр сар хойшлуулж байна. Дээд шүүх бүртгэх л ёстой, хянах ёсгүй. Хэн нэгний захиалгаар дүгнэлт гаргасан” гэсэн хариу тайлбарыг өглөө.

 

МАХН-ын хоёр хуваагдаад буй. Намын дарга Н.Энхбаяр болон УИХ-ын гишүүн О.Баасанхүү гэсэн бүлэглэл тус нам дотор бий болж, их хурлаа хийж, намын даргаа солих асуудлаар өөр өөр байр суурийг илэрхийлж буй. Үүнээс үүдэн УИХ-ын гишүүн О.Баасанхүүг МАХН-ын гишүүнчлэлээс хассан гэх мэдээллийг хийж байсан. Харин өнөөдөр МАХН-аас энэ мэдээллээ үгүйсгэлээ. МАХН-ын дэд дарга Ц.Оюунбаатар “О.Баасанхүү намын гишүүнээс хасагдах болзлоо хангасан гэж хэлсэн болохоос хөөсөн гэх албан ёсны шийдвэр гараагүй. Тэр өнөөдөр ч манай намын гишүүн хэвээрээ байгаа” хэмээн ярилаа. Мөн УИХ-ын гишүүн О.Баасанхүүгийн “МАХН намайг хөөвөл төрийн санхүүжилтээс татгалзах шаардлагатай болно” гэсэн мэдэгдлийн хариуд Ц.Оюунбаатар “УИХ-ын гишүүний 10 сая төгрөгийн л асуудал” гэсэн ойлгомжгүй хариултыг өглөө.

 

Тус нам ирэх оны нэгдүгээр сарын 27-нд их чуулганаа хийх юм байна. Харин О.Баасанхүү нарын зарлан хуралдуулах гэж буй их чуулган нь хүчин төгөлдөр бус гэдгийг МАХН-аас мэдээлэв. УИХ-ын О.Баасанхүү 73 хүний нэрийг бүрдүүлж, их хурал хийхээр ярьж буй аж. Харин тэр хүмүүс дунд нь МАН болоод АН-ын 10-аад хүний нэр бий. Бас МАХН-ын зарим хүний гарын үсгийг хуурамчаар үйлдсэн байгаа учраас хуулийн байгууллагаар шалгуулж байгааг хэвлэлийн хурлын үеэр хэлэв.

 

Б.Энэрэл

Shuud.mn
Сонин хачин
Зочин:
МАХН-ын гишүүн байлаа. Энэ нам шударга ёс ярьсан шударга бусчуудын нам гэдгийг хараад гарсандаа. Нам гэж Энхбаяр гуайн хувийн компани гээд нэрлэчихвэл таарна. Энхбаяр дарга ингэж байна гэвэл тэрийг нь л дагах ёстой. Үгүй гэвэл ямар ч өсч дэвших боломж өгөхгүй нүд үзүүрлэн. Яг Энхбаярыг нь тойрсон хэдхэн хүн байгаа. Хөгшин залуу нийлсэн тэр хүмүүс л Энхбаярт нөлөөлнө бас мэдээлэл өгдөг юм шиг байгаа юм. Өөрсдөөс нь илүү хүн орвол бөөнөөрөө нөгөө хүнрүүгээ дайрч давшилж Энхбаярт очиж байнга муулдаг. Энхбаяр нь тэд нарыхнаа үгээр. Тухайлбал Эрдэнэжамьян Тулга Ононбаяр, Давааням, Удвал Баянсэлэнгэ гээд хэдэн сайхан бөгс долойгч долдойнууд их байгаа. Даан ч эд нар нь ухамсар дорой өөрсдийнхөө амьдрах орчин болгочихсон чадваргүй этгээдүүд. Удахгүй Ганбаатар нь энэ байдлын мэдээд Энхбаяр болон тойрон хүрээлэгч нартай нь муудалцандаа харж л байгаарай
2017-12-05
Зочин:
Yun teneg yum be. Huuluu geed l sur bolood bsan. Odoo sankhuu yarihaar huuguugui ch geh shig erguu yum be. Shinechlegdvel taarnaa
2017-12-05
Зочин:
НАМ ШИНЭЧЛЭГДЭХ ЁСТОЙ. АМЖИЛТ ХҮСЬЕ ШУДАРГА ЖУРМЫН НӨХӨДӨӨ
2017-12-05
Зочин:
За Энхбаяр гуай. Та залуу үедээ ухамсартай зам тавьж өгөөд мэргэн санаагаа зөвлөөд явж байж болдоггүй юм уу. Таны энэ үйлдлийг хараад бид ямар үед амь дараад байнаа. Нөгөө дахин шүтэх гэдэг нь энэ юм уу гэж ойлгож байна. Арай л биш ээ. Ямар Баасанхүү замаа тавьж өг гээд байгаа биш харин намын шударга журмын нөхөддөө сонголт хийх боломжийг нь өгөөч л гээд байна
2017-12-05
зочин:
МАХН ШИНЭЧЛЭЛ ХИЙХ ЦАГ БОЛСООН. ЭНХБАЯР ТЭТГЭВЭРТЭЭ ГАРСАН НЬ ДЭЭР. ЗАЛУУЧУУДДАА БОЛОМЖ ОЛГО Л ДОО. ЖИРИЙН ГИШҮҮДИЙНХЭЭ ҮГИЙГ СОНСДОГ БОЛ
2017-12-05
Намхайжав:
Баасанхүү гишүүнийг дэмждэг ажилд нь амжилт хүсье
2017-12-05
Зочин:
Дандаа худлаа шааж байх юм энэ Н.Энхбаярыг өөрийг нь хөөвөл таарна
2017-12-05
!!!:
TV geer Baasanhuug MAHN aas hooloo geed l MAHN iin erkh buhii humuus zarlaad l baisan bizdee odoo yagaad 360 gradus ergechihwee estoi neg huniig doosh ni hiigeed ch baigaa yum shig ! Baasanhuu oor namd orood eswel bye daagaad yawchihaa !!
2017-12-05