Дэлхийн шилдэг цуврал бүтээлүүдийн нэг “Оддын дайн” киноны шинэхэн анги “Оддын дайн: Сүүлчийн Жеди” бүтээл өнгөрөгч долоо хоногт нээлтээ хийсэн билээ.

Тэгвэл уг бүтээл ганцхан долоо хоногийн дотор олон улсаас 450 сая ам.долларын ашиг олсон талаар “Ройтерс” агентлаг мэдээлэв.

АНУ, Канад болон Хойд Америкийн кино зах зээлээс 220 сая ам.долларын ашиг олжээ.

Мөн уг бүтээл Америкийн кино чартуудыг тэргүүлж эхэлсэн аж.

Тус бүтээлийн 2015 онд гаргасан “Star Wars: The Force Awakens” анги нээлтээ хийсэн даруйдаа 248 сая ам.долларын ашиг олсон түүхтэй.

Б.Дэлгэрцэцэг