Австралийн Сидней хотын цагдаагийнхан Хойд Солонгосын тагнуулыг баривчилсан талаар “www.koreatimes.co.kr” сайт мэдээллээ.
Түүнийг Хойд Солонгосын Засгийн газрын заавраар ажиллаж, Австрали улсад тагнуул хийсэн гэжээ. Тагнуул хэмээн баригдсан этгээдийг Чан Хан Чой гэдэг бөгөөд 59 настай аж. Тэрбээр 1986 оноос хойш Австралид амьдарч буй юм.
Чан Хан Чойг үй олноор хөнөөх зэвсэг нийлүүлэхээр төлөвлөж, Австрали улсад хууль бусаар брокерын үйл ажиллагаа явуулсан хэмээн буруутгажээ.
Хойд Солонгосын тагнуулыг НҮБ болон Австралийн хоригийг зөрчсөн хэмээгээд “Бид энэхүү хэргийг шалгаж байна” гэж мэдэгдэв. Тэрбээр Хойд Солонгосын нүүрсний худалдаагаар брокер хийж, Индонез, Вьетнамын бүлэглэлүүдэд нууцаар зардаг байжээ.
Хэрвээ Хойд Солонгосын иргэн дээрх хэрэгт холбоотой нь тогтоогдвол 10 хүртлэх жилийн ял сонсох магадлалтай гэнэ.
Австралийн эрх баригчид 1995 онд үй олноор хөнөөх зэвсгийн эсрэг хууль баталсан бөгөөд уг хуулийн дагуу баривчлагдсан хүн Хойд Солонгосын иргэн болсон хэмээн орон нутгийн хэвлэлүүд мэдээллээ.
Б.Дэлгэрцэцэг
Уншиж байна |