Гашуунсухайтын түгжрэлд АТҮТ-ийнхэн буруутай
2017-12-20

 

“…ЗТХЯ, АТҮТ-ийнхэн хамтран Гашуунсухайтын нүүрс тээвэрлэлтэд тодорхой шат дараатай арга хэмжээнүүдийг авч хэрэгжүүлээд байна. Энэ ажлын хүрээнд нүүрс тээвэрлэсэн автомашины цуваа өнөөдрийн байдлаар 49 км болж буурсан” гэж ЗТХЯ-наас мэдээлсэн байна.

Гашуунсухайтын боомтоор гарах гэсэн автомашины цувааны түгжрэл хэдэн сарын турш 120 км урт үргэлжилсэн хэвээр байсан юм. Харин ЗТХЯ-ны Автотээврийн бодлого зохицуулалтын газрын дарга С.Батболд, АТҮТ-ийн дэд захирал Ш.Батсайхан нараар ахлуулсан ажлын хэсэг газар дээр нь ажилласны дүнд дээрх үр дүн гарсан гэж байна.

Гэтэл 2017 оны арваннэгдүгээр сарын эхээр буюу одоогоос сар гаруйн өмнө Уул уурхай, хүнд үйлдвэрийн сайд Д.Сумъяабазар, Зам тээвэр, хөгжлийн сайд Ж.Бат-Эрдэнэ нар газар дээр нь ажиллаад 90 гаруй км урт үргэлжилсэн түгжрэлийг арилгаж дөнгөөгүй юм. Харин АТҮТ-ийнхэн очиж ажиллаад тэр урт дарааллыг даруй 70 орчим км-ээр бууруулсан байна. Тиймээс АТҮТ-ийнхэнд Гашуунсухайтыг түгжрэлгүй байлгаад байх боломж, бололцоо байсан байгаа юм. Гэтэл яагаад өнөөдрийг хүртэл ийм арга хэмжээ авалгүй,  иргэдээ чирэгдүүлэн дугаарлуулж байв гэдэг асуулт гарч ирж байна. 120 км урт цувсан түгжрэлтэй хэдэн сар болсон. Гэтэл АТҮТ-ийнхэн бас ЗТХЯ-ныхан хүсвэл хэдхэн хоногт ямар ч түгжрэл, дараалалгүй болгож чадаж байна. Тиймээс энэ хооронд иргэдийг чирэгдүүлсэн хийгээд төрд дарамт, шахалт болгож, зардал чирэгдэл үүсгэсэн хариуцлагыг АТҮТ-ийн шат шатны дарга нар хүлээх ёстой. Өөрөөр хэлбэл, Гашуунсухайтын түгжрэлд тэд л буруутай.

Өнгөрсөн сарын 14-нд АТГ-ынхан АТҮТ-ийн Тээвэр зохицуулалтын хэлтсийн дарга Д.Батбаярыг баривчилсан байдаг. Түүнийг авлигын гэмт хэрэгт буруутгаж буй бөгөөд баривчлах үедээ их хэмжээний бэлэн мөнгө хураан авсан гэдэг. Нөгөөтэйгүүр АТҮТ-ийн Тээвэр зохицуулалтын газрын дарга Д.Батбаяр Гашуунсухайтад дугаарлаж байгаа ма­шинуудыг “зохицуулж” их хэмжээний авлига авдаг байсан тухай мэдээлэл бий. Энэ мэтээс болоод л Гашуунсухайтад уртаас урт дараалал, түгжрэл үүсдэг байсан гэхэд болно.

 

Б.ДАМДИН-ОЧИР

Эх сурвалж: “Зууны мэдээ” сонин

Shuud.mn
Сонин хачин
Зочин:
Naad Batbold darga chini yum bolgond oroltsood daraa ni bultaj ulddeg evgui gar daa.
2017-12-20
!:
1 mashinii ner deer 10 mashin oruuldag !
2017-12-20
!!!!!:
ATYT ta nar toriin ajil hiij baij boliochee mashin dunduur ni shahdag hund surtalddag ta nar boliochee !!!
2017-12-20