Шатахуун түгээх зарим станц шатахууны үнээ нэмж, хязгаарлалт хийгээд байгаа. Үүнд Уул уурхай, хүнд үйлдвэрийн дэд сайд Д.Загджав тайлбар өглөө.
Тэрбээр “Шатахууны үнийг тогтворжуулах төр, иргэний нийгмийн зөвлөл бий. Зөвлөлийн энэ сарын 9-ний хурлаар шатахууны хангамж, нийлүүлэлттэй холбоотой асуудлыг хэлэлцсэн. Дэлхийн зах зээлд шатахууны үнэ өссөн. Цаашид ч өсөх хандлагатай байгаа. Гэхдээ бид шатахууны үнийн өсөлтөөс хамгаалах арга хэмжээ авч байгаа. Мөн ОУВС-гийн “Өргөтгөсөн санхүүжилтийн хөтөлбөр”-т хамрагдан онцгой албан татварын нэмэгдэх хугацааг хойшлуулж арваннэгдүгээр сар болгосон. Шатахуун импортлогч коампаниуд үнээ нэмсэн асуудал байхгүй. Шатахууны үнийн нэмэгдлийг төр, иргэний нийгмийн байгууллага ярилцаж байгаад шийдвэрлэдэг. Мөн шатахууны татварыг нэмж багаа биш, сэргээж байгаа. Бидэнд шатахууны нэг сарын нөөц бий. Шатахууны үнэтэй холбоотой мэдээллийг зөвлөлийн шалгалт дууссаны дараа тодорхой ярина. Шударга өрсөлдөөн, хэрэглэгчийн төлөө газар ажиллаж, зөрчил гарвал хуулийн дагуу арга хэмжээ авах болно” гэв.
М.Дөлгөөн
Уншиж байна |