Нийслэлийн цагдаагийн газраас цахим гэмт хэргийн талаар мэдээлэл хийлээ. Одоогоор энэ төрлийн гэмт хэргийн улмаас 40 орчим иргэн хохироод байгаа аж. Мөн цахим гэмт хэргийг 17-20 насны иргэд ихэвчлэн үйлддэг ажээ. Тэднийг Эрүүгийн хуулийн 26.1.2, 17.3 зэрэг зүйл ангиар шийтгэх юм байна. Иргэд өөрсдийн цахим хуудасны нууц дугаарыг энгийн байдлаар хийх нь бусад хүн нэвтрэх боломж олгодог аж. Мөн “Та хэдэн настай харагддаг вэ” зэрэг сонжоо нь нууц код хулгайлах гэсэн оролдлого байж болохыг санууллаа.

Гэмт хэрэгтэн бусдын нууц дугаарыг ашиглан найзуудаас нь мөнгөн болон бусад хэлбэрийн тусламж хүсдэг аж. Одоогоор уг төрлийн гэмт хэрэгт холбогдуулан 10 этгээдийг шалгаж байгаа бөгөөд гурвыг нь цагдан хорьж, долоог нь батлан даалтад гаргаад байгаа юм байна.

 М.Дөлгөөн