УИХ-ын чуулганы хуралдаанаар нефтийн асуудлыг хэлэлцлээ. Үүнтэй холбогдуулан гишүүд асуулт тавьж, хариулт авсан юм. 

УИХ-ын гишүүн Д.Эрдэнэбат:

-Иргэдийн бухимдлыг яах вэ. Иргэдийн амьжиргаа хүндэрч байна. Өөрсдийгөө өмөөрөөд суугаад байх юм. Хэн хариуцлага хүлээх юм. Долоон татвар нэмж болохгүй гэсэн. Нэмсэн. Өнөөдөр хамгийн эхний үр дүн гарч байна. ХАОАТ, НДШ гээд. Ядуу эдийн засагтай орон үнэ тогтворжуулах хөтөлбөрий барьж ирсэн. Энэ бол бензин шатахууны үнийг барих. Өнөөдөр та нар шар ондоо юм ярьж байна. Бензин шатахуун зах зээлийн гольдирлоор яваагүй гэнэ. 

ЗХЭГ-ын дарга Г.Занданшатар:

-АН хариуцлага хүлээнэ. Ядуурал 30 хувиар өссөн. Та бүхэн өндөр хүүтэй зээл авсан. Та бүхний тавьсан өрийг төлөхийн тулд ОУВС-гийн зээлд хамрагдлаа. Та бүхний үүсгэсэн ядуурлыг дарахын тулд ОУВС-гийн хөтөлбөрт хамрагдсан. 

УИХ-ын дарга М.Энхболд:

-ОУВС-гийн хэлэлцээр нэгдүгээр сарын 26-наас эхэлсэн. Та бүхний шийдвэр нэгдүгээр сарын 24-нд гарсан.  Та бүхэн энэ бүхнээс өмнө арга хэмжээ авч болох байсан. 2017 оны өмнөх Засгийн газар арга хэмжээ авч хэрэгжүүлж байсан. Энэ бүхнийг бодолцох хэрэгтэй. 

Сангийн сайд Ч.Хүрэлбаатар:

-Нефть импорлогч компаниудыг харж үзсээр байгаад зах зээлийн аргад суралцаагүй байна. Тийм учраас нефть компаниудтай уулзаж, зах зээлийн арга хэрэгслээ хэрэглээ ч, эрсдлээс хамгаалах арга хэрэгслээ ав. Юм л бол төр засаг руугаа ачаа үүрүүлдэг. Тэгж байж энэ цаашаа явна. Төрөөс их оролцоод байгаа учир арга хэрэгслээ ашиглахгүй байна.

ШӨХТГ-ын дарга Н.Лхагвасүрэн:

-Суурь үнэ өсөөгүй, бензин шатахууны үнэ өсөөгүй байхад манайх хянах хариуцлага хүлээж байгаа. Гэхдээ үнэ барих хууль эрхзүйн орчин хаагдмал байгаа.

УИХ-ын гишүүн Ж.Мөнхбат:

-Засгийн газарт өөрт нь хуулиар олгогдсон бүрэн эрхийн хугацаанд шатахууны асуудлыг шийдэх хугацаа байсан. Арга хэмжээгээ удаан авсан. Гэтэл Засгийн газрын сайд нар нь үнэтэй тансаг машин унаад явж байна. Засгийн газар арга хэмжээг шуурхай авах хэрэгтэй.

Н.Энх