Хуульзүй, дотоод хэргийн сайд Ц.Нямдоржийн хөлөглөдөг Lexus LX570 маркийн автомашин олны шүүмжлэлд өртөөд буй. Олны уур бухимдлын төрүүлсэн сайдын тансаглалд Ерөнхий сайд хязгаар тавьжээ. Энэ талаараа Ерөнхий сайд Ц.Хүрэлсүх “Нямдорж сайдыг үнэтэй машинаа буцааж зар гэсэн. Өөрөө аваад уначихаагүй юм билээ. Сайдад нэг машин олгогддог. Тэр дагуу нь л унаад явж байгаа. Нямдорж сайд энэ асуудлаа өөрөө шийдчих байх, битгий санаа зовоорой.

Олон түмний анхаарал татаж байгаань үнэн. Улс орны эдийн засгийн нөхцөл байдал хүнд байхад бид аль болох тансаг хэрэглээнээс татгалзаж, орлогоо нэмэгдүүлэх чиглэлээр ажиллах ёстой. Цаашдаа сайд нарын унаа машиныг эргэж харъя гэж бодож байна. Улаанбаатар хотод жижиг оврын, шатахуун бага хэрэглэдэг машин унах боломж байгаа. Ийм асуудал дахиж гарахгүй” гэсэн байр суурийг илэрхийллээ.

Б.Энэрэл