Цагдаагийн байгууллагаас хүн худалдаалах гэмт хэргийн талаар мэдээлэл хийлээ.
Эрүүгийн цагдаагийн алба, нийслэлийн Цагдаагийн алба хаагчид хамтран энэ сарын 19-28-нд саун, массажны газруудад шалгалт хийжээ. Шалгалтаар саун, массаж нэрийн дор бусдын биеийг үнэлүүлж, бэлгийн мөлжлөг үйлдэж байсан 34 газрыг илрүүлсэн байна. Эдгээр газарт 127 охид, эмэгтэйчүүд биеэ үнэлж байжээ.
Мөн тэдний дөрөв нь хүүхэд байсан гэнэ. Түүнчлэн Сүхбаатар, Баянгол, Чингэлтэй дүүрэгт бэлгийн мөлжлөг явуулах орчин бүрдүүлсэн таван газарт хэрэг үүсгэсэн аж.
Түүнчлэн биеэ үнэлсэн эмэгтэйчүүдэд хуулийн дагуу торгуулийн арга хэмжээ авах юм байна.
М.Дөлгөөн
Уншиж байна |