АН эрх баригчдаас хариуцлага нэхэж жагсана

УИХ дахь АН-ын бүлэг хэвлэлийн бага хурал хийв. У.Хүрэлсүхийн тэргүүлсэн Засгийн газрын 100 хоногт хийсэн 30 ажилд хийсэн дүгнэлтээ мэдээллээ. АН-ын дарга С.Эрдэнэ:
-Эдийн засаг өслөө гэж байгаа. Нэг байшин барьж, бүтээн байгуулалт хийгээгүй. Иргэдийн амьдрал өдрөөс өдөрт муудаж байна. Тиймээс эрх баригчид ямар гарц байгааг ард түмэндээ хэл, чадахгүй бол хариуцлагаа хүлээ гэдэг шаардлага тавьсан. Бид тэмцлээ үргэлжлүүлэх болно гэв.
УИХ дахь АН-ын бүлгийн дарга Д.Эрдэнэбат:
-Өнгөрсөн хоёр жил өрийг өрөөр дарсан, амлалтаас амлалт руу шилжсэн жил байлаа. Ард иргэдэд хүрсэн ажил ширхэг ч байхгүй. Эдийн засаг өссөн гэчихээд иргэдийн амьдралд хүрээгүй. Энэ хариултыг бид маргаашийн жагсаалт цуглаанаар хэлнэ. 60 тэрбум”-ын хариуцлагыг тооц, буруу шийдсэн татварын нэмэгдлээ зогсоо. Далд эдийн засаг бий болсон. Шатахууны үнээс үүдсэн үнийн өсөлтөд хэн хариуцлага хүлээх вэ. Бид эдийн засгийн хямралтай, гадаадын хөрөнгө оруулагчид нүүр бууруулсан жилүүдэд ард иргэдээ дэмжсэн, залуучуудаа орон сууцтай, ажлын байртай болгохыг зорьсон бодлого хөтөлбөр хэрэгжүүлж байлаа. Гадаадад байгаа иргэд эдийн засаг хүнд ч Монголдоо ирэх сэтгэхүй бүрдэж байсан. Өнөөдөр эдийн засаг өссөн мөртлөө гадаад яваад манай иргэдийг аваач гэж хэлээд байгаа юм. Бид үнэнийг өгүүлсэн жагсаал цуглааныг хийх болно гэлээ.
Н.Энх
СЭТГЭГДЭЛ БИЧИХ