Гоо сайхны үйлчилгээ хийлгэхдээ анхаарал, болгоомжтой байхын мэргэжлийн хяналтын байгууллагаас анхааруулсаар буй. Учир нь Монгол Улсад бүртгэлгүй, гарал үүсэл нь тодорхойгүй эм, эмнэлгийн хэрэгслийг хууль бусаар хилээр нэвтрүүлж, иргэдэд үйлчилгээ үзүүлсэн зөрчил нэлээд илэрч байгаа юм.

Хамгийн сүүлд НМХГ-ын байцаагчид шалгалтаар БНСУ-ын иргэн Ким Ён Су, У Жин Жу нар хууль бусаар эмнэлгийн хэрэгсэл /биоутас/ хилээр нэвтрүүлж, гоо сайхны сургалт, үйлчилгээ үзүүлэхийг завдсан зөрчлийг илрүүлсэн байна.

Хууль зөрчсөн БНСУ-ын хоёр иргэнийг саатуулж, хууль бусаар оруулж ирсэн бүтээгдэхүүнийг хураан авчээ.

Б.Энэрэл