Сүүлийн үед Эрдэнэт үйлдвэртэй холбоотой томоохон дуулиан дэгдээд байгаа нь Стандарт банканд төлөх ёстой 100 гаруй сая долларын өрийн асуудал юм.
Жастын Батхүү, Алтан нарын төрийн өндөр албан тушаалтнуудын дэмжлэгээр Олон Овоотын орд газарт хөрөнгө оруулахаар зээлсэн гэх энэ мөнгийг Монголын ард түмний төлсөн татвараар төлж барагдуулах бололтой.
Ер нь өнгөрсөн таван жилийн байдлаар төрийн өмчит компаниудын алдагдал 100 гаруй тэрбум төгрөг болсон байна. Гэхдээ төрийн өмчит компани болгон алдагдалтай ажилласан уу гэвэл үгүй юм.
Тухайлбал “Монголросцветмет” ХХК 2014 оноос эхлэн борлуулалтын хэмжээгээ жил дараалан өсгөснөөр 2014 онд 3,5 тэрбум төгрөгийн ашиг олж байсан бол 2017 онд нийт 15,7 тэрбум төгрөгийн цэвэр ашигтай ажиллажээ.
Одоо тус компанийн техник тоног төхөөрөмжийн хүчин чадал өссөн, ажилтнуудын нийгмийн асуудал шийдэгдсэн, үйл ажиллагааны цар хүрээ өргөжсөн тул цаашид ч улсын төсөвт хөрөнгө төвлөрүүлэх үр ашигтай ажиллах боломжтой болсон байна.
Тэгэхлээр бид төрийн өмчит компаниуд угаас алдагдалтай ажилладаг гэсэн хэвшмэл ойлголтоос салах, Төрийн өмчит хохирол учруулсан, “шахаа” “наймаа” хийсэн албан тушаалтнуудад хариуцлага тооцох Монголросцветметийн сайн туршлагыг нэвтрүүлбэл эдийн засгаа өргөжүүлэх ард иргэдийн амьжиргааг дээшлүүлэх бүрэн боломжтой гэдэг нь харагдаж байна.
Уншиж байна |