Алга болсон 10 настай хүүг олжээ

Дорнод аймгийн Халхгол сумын Цогтсүмбэр багийн иргэн 10 настай, М энэ сарын 20-ны өдрийн 12:00 цагт гэрээсээ гараад сураггүй алга болжээ. Тус аймгийн Онцгой байдлын хэлтсийнхэн дуудлагын дагуу хайж ажиллагааг орон нутгийн 78 хүн, 6 автомашинтай эхлүүлсэн байна.
Эрлийн хэсэг 10 настай хүүг өчигдөр 08:55 цагт сумын төвөөс зүүн хойд зүгт 3 км-т Цогтсүмбэр багийн “Баастын гарам” гэдэг газраас эсэн мэнд олжээ.
Н.Нягт
СЭТГЭГДЭЛ БИЧИХ